ശ്രീനഗര്‍: ജമ്മു കാഷ്മീരിലെ പുല്‍വാമ ജില്ലയിൽ സൈന്യവും ഭീകരരും തമ്മിൽ ഏറ്റമുട്ടൽ. സംഭവത്തിൽ നാല് ലഷ്‌കർ ഇ ത്വയ്ബ ഭീകരരെ സൈന്യം വധിച്ചു. വെടിവയ്പിൽ മൂന്ന് സുരക്ഷാ ഉദ്യോഗസ്ഥര്‍ക്ക് പരിക്കേറ്റിട്ടുണ്ടെന്നാണ് വിവരം. സ്ഥലത്ത് ഏറ്റുമുട്ടല്‍ തുടരുകയാണ്. ഭീകരർ ഒളിച്ചിരിക്കുന്നുവെന്ന രഹസ്യ വിവരത്തിന്‍റെ അടിസ്ഥാനത്തില്‍ ഞായറാഴ്ച രാത്രി മുതല്‍ സുരക്ഷാ ഉദ്യോഗസ്ഥരുടെ സംഘം പുല്‍വാമയിലെ ലാസ്സിപുര മേഖലയില്‍ തിരച്ചില്‍ നടത്തിവരികയായിരുന്നു. ഇതിനിടെയാണ് സംഘത്തിന് നേരെ, ഭീകരരുടെ വെടിവയ്പുണ്ടായത്. തുടര്‍ന്ന് നടത്തിയ തെരിച്ചിലിനിടെയാണ് ഭീകരർ വെടിയുതിർത്തത്. സംഭവ സ്ഥലത്ത് നിന്ന് എകെ47 ഉൾപ്പെടെയുള്ള തോക്കുകളും സ്ഫോടക വസ്തുക്കളും കണ്ടെടുത്തിട്ടുണ്ട്
