ഇസ്ലാമബാദ്: പാകിസ്ഥാന്‍ ദേശീയദിനത്തില്‍ ഇന്ത്യന്‍ പ്രധാനമന്ത്രിയുടെ സമാധാന സന്ദേശം ലഭിച്ചെന്ന് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ ട്വിറ്ററില്‍. പ്രധാനമന്ത്രി മോദിയില്‍ നിന്ന് സന്ദേശം ലഭിച്ചു. – ഇമ്രാന്‍ ഖാന്‍ ട്വീറ്റില്‍ എഴുതി.
Received msg from PM Modi: "I extend my greetings & best wishes to the people of Pakistan on the National Day of Pakistan. It is time that ppl of Sub-continent work together for a democratic, peaceful, progressive & prosperous region, in an atmosphere free of terror and violence"
— Imran Khan (@ImranKhanPTI) March 22, 2019
“പാകിസ്ഥാന്‍ ദേശീയ ദിനത്തില്‍ പാക് ജനതയ്ക്ക് എന്‍റെ ആശംസകള്‍ അറിയിക്കുന്നു. ഉപഭൂഖണ്ഡത്തിലെ ജനത ജനാധിപത്യവും സമാധാനവും പുരോഗമനവും അഭിവൃദ്ധിക്കും വേണ്ടി ഒരുമിച്ച് പ്രവര്‍ത്തിക്കേണ്ട സമയമാണിത്. ഭീകരതയും സംഘര്‍ഷങ്ങളും നിലനില്‍ക്കുന്ന അന്തരീക്ഷം ഉണ്ടാകരുത്”
ഫെബ്രുവരിയിലെ പുല്‍വാമ ഭീകരാക്രമണത്തിന് ശേഷം ഇന്ത്യയും പാകിസ്ഥാനും തമ്മിലുള്ള ബന്ധം വഷളായി തുടരുകയാണ്. പാക് അതിര്‍ത്തി മറികടന്ന് ഇന്ത്യന്‍ വ്യോമസേന പാകിസ്ഥാനില്‍ ആക്രമണം നടത്തിയിരുന്നു
ജെയ്‍ഷ മൊഹമ്മദ് തലവന്‍ മസൂദ് അസറിന് എതിരെ പാകിസ്ഥാന്‍ നടപടികള്‍ എടുക്കുന്നില്ലെന്ന് ഇന്ത്യ ആരോപിച്ചിരുന്നു. ഐക്യരാഷ്ട്ര സഭ സുരക്ഷ സമിതിയില്‍ മസൂദ് അസറിനെ ആഗോള ഭീകരനായി പ്രഖ്യാപിക്കാന്‍ ഇന്ത്യ ആവശ്യപ്പെട്ട പ്രമേയം പാകിസ്ഥാനെ സംരക്ഷിക്കുന്ന ചൈന വീറ്റോ ചെയ‍്‍ത്‍ മുടക്കിയതും അസ്വാരസ്യങ്ങള്‍ക്ക് ആക്കം കൂട്ടിയിരുന്നു.
ഇതിനിടയില്‍ അപ്രതീക്ഷിതമായാണ് ഇമ്രാന്‍ ഖാന്‍, മോദി അയച്ചു എന്ന് വ്യക്തമാക്കുന്ന സമാധാന സന്ദേശം പ്രസിദ്ധപ്പെടുത്തിയത്.
