ന്യൂഡൽഹി: തനിക്ക് രാഷ്ട്രീയമില്ലെന്ന മുൻനിലപാട് ആവർത്തിച്ച് നടൻ മോഹൻലാൽ. എല്ലാ രാഷ്ട്രീയ പാർട്ടികളിലും തനിക്ക് വേണ്ടപ്പെട്ടവർ ഉണ്ടെന്നും അദ്ദേഹം പറഞ്ഞു.പദ്മഭൂഷൺ പുരസ്കാരം മലയാള സിനിമയ്ക്കുള്ള അംഗീകാരമാണെന്നും ലാൽ കൂട്ടിച്ചേർത്തു. തലസ്ഥാനത്ത് പദ്മ പുരസ്കാരം സ്വീകരിക്കാനെത്തിയപ്പോഴാണ് അദ്ദേഹം ഇക്കാര്യം വ്യക്തമാക്കിയത്.
പ്രഭുദേവ, മാമൻ ചാണ്ടി, കെ.ജി.ജയൻ എന്നിവരുൾപ്പെടെ 56 പേർക്കാണ് പത്മ പുരസ്കാരങ്ങൾ വിതരണം ചെയ്തത്. രണ്ട് ഘട്ടങ്ങളിലായാണ് ഇത്തവണ പത്മ പുരസ്കാരങ്ങൾ വിതരണം ചെയ്യുന്നത് .
