കൽപ്പറ്റ: ബത്തേരിയിൽ ഭീതിപരത്തിയ വയനാട് വന്യജീവി സങ്കേതത്തിലെ വടക്കനാട് കൊമ്പനെ മയക്കു വെടിവച്ചു പിടികൂടി. രാവിലെയാണ് കാട്ടാനയെ വനംവകുപ്പ് സംഘം പിടികൂടിയത്.
കുങ്കി ആനകളുടെ സഹായത്തോടെ കൊന്പനെ മുത്തങ്ങയിലെ ആന കൊട്ടിലിലേക്ക് മാറ്റാനുള്ള ശ്രമമാണ് ഇപ്പോൾ നടക്കുന്നത്. കഴിഞ്ഞ ദിവസം ആനയുടെ ആരോഗ്യസ്ഥിതി മോശമാണെന്ന വിലയിരുത്തലിനെ തുടർന്ന് പിടികൂടാനുള്ള ശ്രമങ്ങൾ നിർത്തിവച്ചിരുന്നു.
രാവിലെയാണ് പിന്നീട് പുനരാരംഭിച്ചത്. രണ്ടു വർഷമായി വയനാട് വന്യജീവി സങ്കേതത്തിന് ചുറ്റും താമസിക്കുന്നവരുടെ പേടിസ്വപ്നമാണ് വടക്കനാട് കൊമ്പൻ.