തിരുവനന്തപുരം: ചര്ച്ച് ആക്ട് കൊണ്ടുവരാന് സര്ക്കാര് ഉദ്ദേശിക്കുന്നില്ലെന്ന് മുഖ്യമന്ത്രി പിണറായി വിജയന്. വിവിധ ക്രിസ്ത്യന് വിഭാഗങ്ങളുടെ പള്ളി സ്വത്ത് സംബന്ധിച്ച തര്ക്കം പരിഹരിക്കുന്നതിന് നിയമപരിഷ്കാര കമ്മീഷന് ബില് തയ്യാറാക്കിയത് സര്ക്കാരുമായി ആലോചിച്ചല്ലെന്നും മുഖ്യമന്ത്രി ക്രിസ്ത്യന് സഭാ നേതാക്കളോട് വ്യക്തമാക്കി.
2006-2011 ലെ എല്ഡിഎഫ് സര്ക്കാരിന് മുമ്പില് ഇത്തരമൊരു നിര്ദേശം അന്നത്തെ നിയമപരിഷ്കാര കമീഷന് ഉന്നയിച്ചിരുന്നു. എന്നാല് അന്നും സര്ക്കാര് അത് തള്ളിക്കളയുകയാണുണ്ടായതെന്നും മുഖ്യമന്ത്രി വ്യക്തമാക്കി.
കര്ദിനാള് മാര് ബസേലിയോസ് ക്ലിമിസ് ബാവ, കെസിബിസി അധ്യക്ഷന് ആര്ച്ച് ബിഷപ്പ് സൂസപാക്യം, താമരശ്ശേരി രൂപത ബിഷപ്പ് മാര് റമിജിയോസ് ഇഞ്ചനാനിയില്, യൂജിന് എച്ച് പെരേര തുടങ്ങിയവരാണ് മുഖ്യമന്ത്രിയുമായി ഈ വിഷയത്തില് കൂടിക്കാഴ്ച നടത്തിയത്.