തന്ത്രിമാര് സര്ക്കാരിന് കീഴിലല്ല ദേവസ്വം ബോര്ഡിന് കീഴിലാണ് പ്രവര്ത്തിക്കുന്നതെന്ന് ദേവസ്വം മന്ത്രി കടകംപള്ളി സുരേന്ദ്രന്. ദേവസ്വം ബോര്ഡിന്റെ 6000 ജീവനക്കാരില് ഒരാള് മാത്രമാണ് തന്ത്രിയെന്നും മന്ത്രി നിയമസഭയില് പറഞ്ഞു. അവരുടെ അവകാശ അധികാരങ്ങള് ദേവസ്വം ബോര്ഡ് മാന്വലിന്റെ നാലാം അധ്യായത്തില് കൃത്യമായി നിര്വചിച്ചിട്ടുണ്ട്. പാരമ്പര്യമായി ഉള്ളവരും നിയമിക്കുന്നവരും തന്ത്രിമാരില് പെടും. ശാന്തിക്കാരുടേതുപോലെ ഉത്തരവാദിത്വം നിറവേറ്റേണ്ടവരാണ് അവരും. ക്ഷേത്ര തന്ത്രം കൈകാര്യം ചെയ്യുമ്പോള് ദേവസ്വം ബോര്ഡിന്റെ നിയന്ത്രണത്തിന് വിധേയമായിരിക്കുമെന്നും ദേവസ്വം ബോര്ഡ് പുറപ്പെടുവിക്കുന്ന ചട്ടങ്ങള്ക്ക് വിധേയമായിരിക്കണമെന്ന് പ്രസ്തുത അധ്യായത്തിലെ എട്ട് 10,14 ഖണ്ഡികകളില് പറയുന്നുണ്ടെന്നും മന്ത്രി വ്യക്തമാക്കി.
ബോര്ഡിന് കീഴിലുള്ള ജീവനക്കാരുടെ ജാതിയെ കുറിച്ചുള്ള പ്രസ്താവനയില് കെ.പി. ശശികലയ്ക്ക് എതിരെ കോടതിയെ സമീപിക്കുമെന്നും ദേവസ്വം മന്ത്രി പറഞ്ഞു.