പത്തനംതിട്ട: ശബരിമലയില് ഏര്പ്പെടുത്തിയ നിരോധനാജ്ഞ 4 ദിവസത്തേക്ക് കൂടി നീട്ടി. ഈ മാസം 26 വരെ സന്നിധാനം, പമ്പ, നിലയ്ക്കല്, ഇലവുങ്കല് എന്നിവിടങ്ങളില് നിരോധനാജ്ഞ തുടരും. ജില്ലാ പൊലീസ് സൂപ്രണ്ടിന്റെയും വിവിധ എക്സിക്യുട്ടീവ് മജിസ്ട്രേറ്റുമാരുടെയും റിപ്പോര്ട്ടിന്റെ അടിസ്ഥാനത്തിലാണ് പത്തനംതിട്ട ജില്ലാ കല്കടര് പിബി നൂഹ് നിരോധനാജ്ഞ നീട്ടിയത്. ജനുവരി 14 വരെ നീട്ടണമെന്നാണ് ജില്ലാ പൊലീസ് മേധാവി കലക്ടര്ക്ക് റിപ്പോര്ട്ട് നല്കിയത്.
അതേസമയം തീര്ഥാടകര്ക്ക് ഒറ്റയ്ക്കോ സംഘമായോ ദര്ശനത്തിന് എത്തുന്നതിനോ ശരണം വിളിക്കുന്നതിനോ തടസ്സമുണ്ടാകില്ലെന്ന് ഉത്തരവില് പറയുന്നു.