തിരുവനന്തപുരം: ശബരിമല ലെയ്സണ് ഓഫീസറായി വി.കെ. രാജഗോപാലിനെ നിയമിച്ച നടപടി റദ്ദാക്കി. തിരുവിതാംകൂര് ദേവസ്വം ബോര്ഡിന്റേതാണ് നടപടി. സാങ്കേതിക കാരണങ്ങളാലാണ് നിയമനം റദ്ദാക്കുന്നതെന്ന് ദേവസ്വം ബോര്ഡ് പ്രസിഡന്റ് അറിയിച്ചു.
ആര്എസ്എസ് സഹയാത്രികനായ രാജഗോപാലിനെ ലെയ്സണ് ഓഫീസറായി നിയമിച്ചത് നേരത്തേ വിവാദമായിരുന്നു. നിയമനത്തിനെതിരേ ദേവസ്വം മന്ത്രി കടകംപള്ളി സുരേന്ദ്രന് നേരിട്ടും അല്ലാതെയും പരാതികള് ലഭിച്ചിരുന്നു. ഇതിന് പിന്നാലെയാണ് നടപടി.