ആര്എസ്എസ് മേധാവി മോഹന് ഭാഗവതിന്റെ പ്രസ്താവന ആര്എസ്എസിന് ഇന്ത്യന് ഭരണഘടനയോട് ആദരവില്ലെന്നതിന്റെ തെളിവാണെന്ന് മുഖ്യമന്ത്രി പിണറായി വിജയന്. ഹിറ്റ്ലറുടെ ജര്മ്മനിയോ മുസ്സോളിനിയുടെ ഇറ്റലിയോ ആക്കി ഇന്ത്യയെ മാറ്റാനാണ് ആര്എസ്എസ് ശ്രമിക്കുന്നതെന്നും പിണറായി വിജയന് ഫെയ്സ്ബുക്കില് കുറിച്ചു. സമാന്തര പട്ടാളത്തെ സംഘടിപ്പിക്കുന്നത് രാജ്യദ്രോഹത്തോളം ഗൗരവമുള്ളതാണ്. ഇടതുപക്ഷം നേരത്തെതന്നെ ചുണ്ടിക്കാട്ടിയ അപകടമാണ് ഇപ്പോള് ഭഗവതിന്റെ വാക്കുകളിലുടെ പുറത്തുവന്നതെന്ന് മുഖ്യമന്ത്രി കൂട്ടിച്ചേര്ത്തു.
സൈന്യത്തെ താഴ്ത്തിക്കെട്ടുകയും അപകീര്ത്തിപ്പെടുത്തുകയും ചെയ്ത പ്രസ്താവനയോട് സര്ക്കാരിന്റെ നിലപാടെന്തെന്ന് പ്രധാനമന്ത്രി നരേന്ദ്രമോദി വ്യക്തമാക്കണമെന്നും പിണറായി വിജയന് ആവശ്യപ്പെട്ടു. അപകടകരവും അമ്പരപ്പിക്കുന്നതുമായ പ്രസ്താവന പിന്വലിച്ച് രാഷ്ട്രത്തോട് മാപ്പ് പറയാന് ആര്.എസ്.എസ് തയാറാകണമെന്നും മുഖ്യമന്ത്രി കൂട്ടിച്ചേര്ത്തു. ഇന്ത്യന് സൈന്യത്തിനു യുദ്ധത്തിനു തയ്യാറെടുക്കാന് ആറ് മാസം വേണമെങ്കില് ആര്എസ്എസ്സിനു വെറും മൂന്ന് ദിവസം മതിയെന്നായിരുന്നു മോഹന് ഭാഗവതിന്റെ പ്രസ്താവന.