ശബരിമലയിലെ സ്ത്രീപ്രവേശനം സംബന്ധിച്ച കേസ് ഭരണഘടനാ ബെഞ്ചിന്റെ പരിഗണനയ്ക്കു വിടുന്ന കാര്യത്തില് സുപ്രീംകോടതി തീരുമാനം ഇന്ന്. ഭരണഘടനാ ബെഞ്ച് പരിശോധിക്കേണ്ട വിഷയങ്ങളിലും തീരുമാനമെടുക്കും. ചീഫ് ജസ്റ്റീസ് ദീപക് മിശ്രയുടെ നേതൃത്വത്തിലുള്ള ബെഞ്ചാണ് വിധി പ്രസ്താവിക്കുക.
ശബരിമല സന്നിധാനത്ത് എല്ലാ വിഭാഗം സ്ത്രീകളെയും പ്രവേശിപ്പിക്കണമെന്ന് ആവശ്യപ്പെട്ട് ഇന്ത്യന് യംഗ് ലോയേഴ്സ് അസോസിയേഷന് നല്കിയ ഹര്ജിയിലാണ് സുപ്രിംകോടതി വിധി പറയുക. കേസില് ദേവസ്വം ബോര്ഡിന്റെയും സംസ്ഥാന സര്ക്കാരിന്റെയും വിവിധ സംഘടനകളുടെയും ഭാഗം കോടതി പരിശോധിച്ചിരുന്നു. പത്തിനും അമ്പതിനും ഇടയില് പ്രായമുള്ള സ്ത്രീകളെ പ്രവേശിപ്പിക്കരുതെന്ന നിലപാടാണ് ദേവസ്വം ബോര്ഡ് അറിയിച്ചിരിക്കുന്നത്.