ബംഗളൂരുവിൽ ചികിത്സയില് കഴിയുന്ന മുന് മുഖ്യമന്ത്രി ഉമ്മന്ചാണ്ടിയുമായി വിഡിയോ കോളില് സംസാരിച്ച് മോഹന്ലാല്.വീഡിയോ കോള് ചെയ്യുന്ന ചിത്രം മകന് ചാണ്ടി ഉമ്മനാണ് ഫെയ്സ്ബുക്കില് പോസ്റ്റ് ചെയ്തത്. ഫെബ്രുവരി 12നാണ് വിദഗ്ധ ചികിത്സക്കായി ഉമ്മന്ചാണ്ടി ബംഗളുരുവിലേക്ക് പോയത്.
അര്ബുദ രോഗബാധിതനാണ് ഉമ്മന്ചാണ്ടി. ഉമ്മന്ചാണ്ടിക്ക് കുടുംബം കൃത്യമായ ചികിത്സ നല്കുന്നില്ലെന്ന് വിവാദമുയര്ന്നിരുന്നു. അതിനിടെ, ന്യൂമോണിയ ബാധിച്ച് നെയ്യാറ്റിന്കരയിലെ നിംസില് അഡ്മിറ്റ് ചെയ്തു. തുടര്ന്ന് ശ്വാസകോശത്തിലെ അണുബാധ പൂര്ണമായി മാറിയതിനെ തുടര്ന്നാണ് ബംഗളൂരുവിലേക്ക് വിദഗ്ധ ചികിത്സക്കായി മാറ്റിയത്.