വരന്റെ അമ്മാവന് കറി കിട്ടിയില്ലെന്ന പരാതിക്കു പിന്നാലെ വിവാഹ വിരുന്നില്‍ കൂട്ടയടി. വധുവിന്റെ കുടുംബമാണ് വിവാഹവിരുന്ന് സംഘടിപ്പിച്ചത്. വിരുന്നില്‍ വരന്റെ അമ്മാവന് പനീര്‍ കറി കിട്ടിയില്ലെന്ന് ആരോപിച്ച് വാക്കേറ്റമുണ്ടാകുകയും കൂട്ടത്തല്ലില്‍ കലാശിക്കുകയുമായിരുന്നു.
ഉത്തര്‍പ്രദേശിലെ ബാഗ്പത് ജില്ലയിലാണ് സംഭവം. കൂട്ടയടിയുടെ വീഡിയോ സമൂഹമാധ്യമങ്ങളില്‍ വൈറലായിട്ടുണ്ട്. വടിയും ബെല്‍റ്റും വരെ ഉപയോഗിച്ച് വധുവിന്റെയും വരന്റെയും ബന്ധുക്കള്‍ പരസ്പരം തല്ലുന്നതും വീഡിയോയില്‍ കാണാം.
शादी में दूल्हे के फूफा को पनीर न परोसने का अंजाम देख लो….
— Aditya Bhardwaj (@ImAdiYogi) February 9, 2023
यूपी के बागपत का है मामला। #Baghpat #Viralvideo #UttarPradesh pic.twitter.com/gh3nMfVKUV
കൂട്ടത്തല്ലിനിടെ വിളമ്പുകാരന്റെ വസ്ത്രം ധരിച്ച ഒരാളെ നിലത്തിട്ടു ചവിട്ടുകയും ചെയ്യുന്നുണ്ട്. വിരുന്നില്‍ പങ്കെടുക്കാനെത്തിയ അതിഥികളില്‍ ചിലര്‍ ഇരുകൂട്ടരെയും പിടിച്ചുമാറ്റാന്‍ ശ്രമിക്കുന്നതും വീഡിയോയില്‍ കാണാം.
കൂട്ടത്തല്ലില്‍ നാലുപേരെ പൊലീസ് കസ്റ്റഡിയിലെടുത്തു. അതിനിടെ വധുവിന്റെയും വരന്റെയും വീട്ടുകാര്‍ ഒത്തുതീര്‍പ്പിലെത്തിയതിനെ തുടര്‍ന്ന് കസ്റ്റഡിയില്‍ ടെുത്തവരെ വിട്ടയച്ചുവെന്ന് പൊലീസ് അറിയിച്ചു.
