Breaking News

താടിയെല്ലിനും മൂക്കിനും ​സാരമായ പരിക്ക്, ശസ്ത്രക്രിയ കഴിഞ്ഞു, ബോട്ടപകടത്തെ കുറിച്ച് വിജയ് ആൻ്റണി

നടനും സംഗീതസംവിധായകനുമായ വിജയ് ആന്റണിക്ക് മലേഷ്യയിൽവച്ച് സിനിമ ഷൂട്ടിങ്ങിനിടെ പരിക്കേറ്റിരുന്നു. ഇപ്പോൾ തന്റെ ആരോ​ഗ്യത്തെക്കുറിച്ച് വ്യക്തമാക്കിയിരിക്കുകയാണ് താരം. അപകടത്തിൽ തനിക്ക് താടിയെല്ലിനും മൂക്കിനും ​ഗുരുതരമായ പരിക്കേറ്റു എന്നാണ് വിജയ് ആന്റണി ട്വിറ്ററിൽ കുറിച്ചത്. ശസ്ത്രക്രിയ കഴിഞ്ഞെന്നും താരം വ്യക്തമാക്കി. 

‘പ്രിയ സുഹൃത്തുക്കളെ, മലേഷ്യയിൽ നടന്ന പിച്ചൈക്കാരൻ 2 ചിത്രീകരണത്തിനിടെ താടിയെല്ലിനും മൂക്കിനുമേറ്റ സാരമായ പരിക്കിൽ നിന്ന് ഞാൻ സുഖം പ്രാപിച്ചു വരികയാണ്. ഒരു മേജർ സർജറി കഴിഞ്ഞിരിക്കുകയാണ്. എത്രയും പെട്ടെന്നുതന്നെ നമുക്ക് വീണ്ടും കാണാം . നിങ്ങളുടെ എല്ലാ പിന്തുണയ്ക്കും നന്ദി’- വിജയ് ആന്റണി ട്വീറ്റ് ചെയ്തു. ആശുപത്രിയിൽ നിന്നുള്ള ചിത്രവും താരം പങ്കുവച്ചിട്ടുണ്ട്. മലേഷ്യയിലെ ചികിത്സയ്ക്ക് ശേഷം താരം കഴിഞ്ഞദിവസം ചെന്നൈയിൽ തിരിച്ചെത്തി.

വിജയ് ആന്റണി ആദ്യമായി സംവിധാനം ചെയ്യുന്ന പിച്ചൈക്കാരൻ 2 എന്ന ചിത്രത്തിന്റെ ചിത്രീകരണത്തിനിടെയാണ് അപകടമുണ്ടായത്. മലേഷ്യയിലെ ലങ്കാവി ദ്വീപിൽ ബോട്ടിൽ വെച്ചുള്ള സംഘട്ടനരം​ഗം ചിത്രീകരിക്കവേയാണ് അപകടമുണ്ടായത്. വിജയ് സഞ്ചരിച്ചുകൊണ്ടിരിക്കുകയായിരുന്നു ബോട്ട് നിയന്ത്രണംവിട്ട് ക്യാമറാസംഘമുണ്ടായിരുന്ന വലിയ ബോട്ടിൽ ഇടിക്കുകയായിരുന്നു. പ്രഥമ ശുശ്രൂഷ നൽകിയശേഷം അദ്ദേഹത്തെ കോലാലംപുരിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.

Click to comment

Leave a Reply

Your email address will not be published. Required fields are marked *

Keralavisiontv.com is a 24X7 news, entertainment website under KCBL.

Copyright © 2022 KCBL. Developed by Team Aloha

To Top