കോഴിക്കോട്: കക്കോടി മോരിക്കരയില് ഗാന്ധി സ്ക്വയറിന് നേരെ വീണ്ടും ആക്രമണം. വെള്ളിയാഴ്ച രാത്രി ഇവിടെ സ്ഥാപിച്ചിരുന്ന നേതാക്കളുടെ ഫോട്ടോ തകര്ത്തിരുന്നു.പിന്നാലെയാണ് വീണ്ടും ആക്രമണമുണ്ടായത്.
ഗാന്ധി പ്രതിമയുടെ തല തകര്ത്ത നിലയിലാണ്. ഇവിടെ സ്ഥാപിച്ച മദര് തെരേസ അടക്കമുള്ളവരുടെ ചിത്രങ്ങളുള്ള ഫ്ലക്സ് ബോര്ഡുകളും നശിപ്പിച്ചിട്ടുണ്ട്. ചേവായൂര് പൊലീസ് സ്ഥലത്തെത്തി പരിശോധന നടത്തി.
ആദ്യം ആക്രമണമുണ്ടായതിന് പിന്നാലെ പ്രദേശത്തെ ഒരു വ്യക്തിക്കെതിരെ ഗാന്ധി സ്ക്വയര് സംരക്ഷിക്കുന്നവര് ചേവായൂര് പൊലീസില് പരാതി നല്കിയിരുന്നു. അന്വേഷണം പുരോഗമിക്കുന്നതിനിടെയാണ് ഇന്നലെ രാത്രി വീണ്ടും ആക്രമണമുണ്ടായത്.
സംഭവത്തിന് പിന്നില് രാഷ്ട്രീയ കാരണങ്ങളല്ലെന്നാണ് പൊലീസ് നിഗമനം. വ്യക്തി വൈരാഗ്യമായിരിക്കാം കാരണം എന്നാണ് പൊലീസിന്റെ പ്രാഥമിക വിലയിരുത്തല്.