തിരുവനന്തപുരം:വടക്കഞ്ചേരി വാഹനാപകടത്തില്‍ മരിച്ചവരുടെ കുടുംബത്തിന് രണ്ട് ലക്ഷം രൂപ വീതം ധന സഹായം നല്‍കാന്‍ സംസ്ഥാന സര്‍ക്കാര്‍ തീരുമാനം.മന്ത്രിസഭാ യോഗത്തിലാണ് ഇക്കാര്യത്തില്‍ തീരുമാനം എടുത്തത്.
പരിക്കേറ്റവരുടെ കുടുംബത്തിന് ചികിത്സയ്ക്ക് സഹായം നല്‍കാനും തീരുമാനിച്ചിട്ടുണ്ട്. കുട്ടനാട് വികസനത്തിന് കൗണ്‍സില്‍ രൂപീകരിക്കാനും യോഗത്തില്‍ തീരുമാനമായിട്ടുണ്ട്.
കുട്ടനാട് വികസന ഏകോപന കൗണ്‍സിലില്‍ മുഖ്യമന്ത്രി ചെയര്‍മാനാകും. കൃഷി മന്ത്രിയായിരിക്കും കൗണ്‍സിലില്‍ വൈസ് ചെയര്‍മാന്‍.
നിലവിലുള്ള പ്രവര്‍ത്തനങ്ങളുടെ അവലോകനവും ഏകോപനവുമായിരിക്കും മുഖ്യ ചുമതല. പദ്ധതികള്‍ ആവര്‍ത്തിക്കാതിരിക്കാനുള്ള ചുമതലയും കൗണ്‍സിലിനായിരിക്കും.
