ബര്മിങ്ങാം: 2022 കോമണ്വെല്ത്ത് ഗെയിംസില് ഇന്ത്യയ്ക്ക് ആദ്യ സ്വര്ണം. വനിതകളുടെ ഭാരോദ്വഹനത്തില് മീരാബായ് ചാനു സൈഖോമാണ് ഇന്ത്യയ്ക്ക് വേണ്ടി സ്വര്ണം നേടിയത്. വനിതകളുടെ 49 കിലോ വിഭാഗത്തിലാണ് ചാനു സ്വര്ണം നേടിയത്. ആകെ 201 കിലോ ഭാരം ഉയര്ത്തിയാണ് ചാനു ഒന്നാമത്തെത്തിയത്.
ടോക്യോ ഒളിമ്പിക്സില് ഇതേയിനത്തില് വെള്ളി മെഡല് നേടിയ ചാനു എതിരാളികളെ ബഹുദൂരം പിന്നിലാക്കി. സ്നാച്ചില് 88 കിലോയും ക്ലീന് ആന്ഡ് ജര്ക്കില് 113 കിലോയും ഉയര്ത്തിയാണ് ചാനു സ്വര്ണമെഡല് കഴുത്തിലണിഞ്ഞത്. കോമണ്വെല്ത്ത് റെക്കോഡും താരം സ്വന്തമാക്കി.