ന്യൂഡൽഹി: നടിയെ ആക്രമിച്ച കേസിൽ പള്സര് സുനിയുടെ ജാമ്യാപേക്ഷ സുപ്രീം കോടതി തളളി. പള്സര് സുനി കുറ്റകൃത്യത്തില് നേരിട്ട് പങ്കെടുത്തയാളെന്ന് കോടതി.
അതിനാല് ജാമ്യം നല്കാന് കഴിയില്ല. ഈ വര്ഷം അവസാനത്തോടെ വിചാരണ അവസാനിക്കുമെന്ന് സര്ക്കാര് കോടതിയെ അറിയിച്ചു. വിചാരണ ഈ വര്ഷം അവസാനിച്ചില്ലെങ്കില് വീണ്ടും ജാമ്യാപേക്ഷ നല്കാമെന്ന് കോടതി വ്യക്തമാക്കി.
കേസിലെ മുഖ്യപ്രതിയായ പള്സര് സുനിക്കു ജാമ്യം നല്കുന്നതിനെ സംസ്ഥാന സര്ക്കാര് ശക്തമായി എതിര്ത്തു. കുറ്റകൃത്യത്തില് നേരിട്ടു പങ്കെടുത്ത വ്യക്തിയാണെന്നും ജാമ്യം നല്കുന്നതു തെറ്റായ സന്ദേശമാവുമെന്നും സര്ക്കാര് വാദിച്ചു.
ഹര്ജിയില് നടിയുടെ പേരു പരാമര്ശിച്ചതിന് പള്സര് സുനിയെ കോടതി വിമര്ശിച്ചു.
മറ്റു പ്രതികള്ക്കെല്ലാം ജാമ്യം ലഭിച്ചെന്ന് ചൂണ്ടിക്കാട്ടിയാണ് പള്സര് സുനി ജാമ്യാപേക്ഷ നല്കിയത്. കേസില് നിലവില് പള്സര് സുനി മാത്രമാണ് ജയിലില് കഴിയുന്നത്. മറ്റു പ്രതികള്ക്കെല്ലാം വിവിധ കോടതികളില്നിന്നായി ജാമ്യം ലഭിച്ചു.