തൃശൂര്: എട്ടുവയസ്സുകാരിയെ പീഡിപ്പിച്ച 75 കാരന് 26 വര്ഷം കഠിന തടവ്. 1,35000 രൂപ പിഴയും വിധിച്ചു. എളനാട് സ്വദേശി കിഴക്കേക്കലം ചന്ദ്രനെയാണ് ശിക്ഷിച്ചത്.തൃശൂര് ഫാസ്റ്റ് ട്രാക്ക് സ്പെഷല് കോടതിയുടേതാണ് വിധി. കളിക്കുന്നതിനിടെ ബാലികയെ വീട്ടിലേക്ക് വിളിച്ചുവരുത്തി പീഡിപ്പിച്ചു എന്നാണ് കേസ്.
പ്രോസിക്യൂഷൻ ഭാഗത്തുനിന്ന് 12 സാക്ഷികളെ വിസ്തരിക്കുകയും, 15 രേഖകളും 3 തൊണ്ടിമുതലുകളും ഹാജരാക്കുകയും ചെയ്തു. പഴയന്നൂർ പോലീസ് ആണ് കേസ് അന്വേഷിച്ച് കുറ്റപത്രം സമര്പ്പിച്ചത്.
പ്രോസിക്യൂഷനു വേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ: കെ.പി. അജയ് കുമാർ ഹാജരായി.