ന്യൂഡൽഹി:കോണ്ഗ്രസ് നേതാവ് രാഹുല് ഗാന്ധി നൈറ്റ് ക്ലബിലെ പാര്ട്ടിയില് പങ്കെടുത്തതിനെ ചൊല്ലി വിവാദം.നേപ്പാളിലെ നൈറ്റ് ക്ലബില് രാഹുല് ഗാന്ധി പങ്കെടുത്തതിന്്റെ ദൃശ്യങ്ങള് പുറത്ത് വന്നതിന് പിന്നാലെയാണ് വിവാദം ഉയര്ന്നത്. ബിജെപി നേതാക്കള് വീഡിയോ ആയുധമാക്കുകയാണ്. രാജസ്ഥാനില് വര്ഗീയ സംഘര്ഷം നടക്കുമ്പോൾ രാഹുല് നിശാപാര്ട്ടികളില് ആഘോഷിക്കുകയാണെന്ന് ബിജെപി വിമര്ശിച്ചു.
കാഠ്മണ്ഡുവില് നടന്ന പാര്ട്ടിയിലെ ദൃശ്യങ്ങളാണെന്ന പേരിലാണ് സമൂഹ മാധ്യമങ്ങളില് ബിജെപി നേതാക്കള് പ്രചരണം നടത്തുന്നത്. കോണ്ഗ്രസ് ഭരിക്കുന്ന രാജസ്ഥാനില് വര്ഗീയ സംഘര്ഷം നടക്കുമ്ബോള് രാഹുല് ഗാന്ധി നിശാപാര്ട്ടിയില് മതിമറന്ന് ആഘോഷിക്കുകയാണെന്ന് ബിജെപി ഐടി സെല് മേധാവി അമിത് മാളവ്യ പരിഹസിച്ചു.
Rahul Gandhi was at a nightclub when Mumbai was under seize. He is at a nightclub at a time when his party is exploding. He is consistent.
— Amit Malviya (@amitmalviya) May 3, 2022
Interestingly, soon after the Congress refused to outsource their presidency, hit jobs have begun on their Prime Ministerial candidate… pic.twitter.com/dW9t07YkzC
അതേസമയം, രാഹുല് ഗാന്ധി നേപ്പാളിലെ സുഹൃത്തിന്്റെ വിവാഹത്തില് പങ്കെടുത്തതാണെന്ന് കോണ്ഗ്രസ് വക്താവ് രണ്ദീപ് സിംഗ് സുര്ജേവാല വിശദീകരിച്ചു. നരേന്ദ്ര മോദിയെ പോലെ ക്ഷണിക്കാതെ പോയ അതിഥിയല്ല രാഹുല് ഗാന്ധി. മാധ്യമ പ്രവര്ത്തകയായ സുഹൃത്തിന്്റെ വിവാഹത്തിനാണ് അദ്ദേഹം പോയത്. ക്ഷണിച്ച വിവാഹത്തില് പങ്കെടുത്തത് കുറ്റകൃത്യം പോലെയാണ് ബിജെപി ചിത്രീകരിക്കുന്നതെന്നും രണ്ദീപ് സിംഗ് സുര്ജേവാല കുറ്റപ്പെടുത്തി.