ഇടുക്കി: അടിമാലി വാളറ വെള്ളച്ചാട്ടത്തിന് സമീപം ടിപ്പർ ലോറി താഴ്ചയിലേക്ക് മറിഞ്ഞ് ഡ്രൈവറും ക്ലീനറും മരിച്ചു.നേര്യമംഗലം തലക്കോട് സ്വദേശി സ്വദേശികളായ സിജു, സന്തോഷ് എന്നിവരാണ് മരിച്ചത്.
കൊച്ചി ധനുഷ്കോടി ദേശീയ പാതയില് വാളറ കുത്തിനും ചീയപ്പാറക്കും ഇടയില് വാഹനം നിയന്ത്രണം വിട്ട് താഴ്ചയിലേക്ക് പതിക്കുകയായിരുന്നു.
അടിമാലിയില് നിന്നും കോതമംഗലത്തേക്ക് വരിയായിരുന്ന ലോറിയാണ് 300 അടി താഴ്ചയിലേക്ക് പതിച്ചത്. മണിക്കൂറുകള് നീണ്ട ശ്രമത്തിന് ശേഷമാണ് ഇരുവരുടെയും മൃതദേഹങ്ങള് പുറത്തെടുത്തത്. ഹൈവേ പൊലീസും നാട്ടുകാരും വനപാലകരും അഗ്നിരക്ഷാ സേനയും ചേര്ന്നാണ് രക്ഷാപ്രവര്ത്തനങ്ങള് നടത്തിയത്.
പല തവണ മറിഞ്ഞ വാഹനം ദേവിയാറിന്റെ കരയില് എത്തിച്ചു. മൂവാറ്റുപുഴയില് നിന്നും ക്രെയിന് എത്തിച്ച് ലോറിയുടെ ഭാഗങ്ങള് ഉയര്ത്താന് ശ്രമിച്ചെങ്കിലും വിജയിച്ചില്ല. തുടര്ന്ന് ഗ്യാസ് കട്ടർ ഉപയോഗിച്ച് മുറിച്ചു മാറ്റിയ ശേഷമാണ് അപകടത്തില് പെട്ടവരെ പുറത്തെടുത്തത്.