പേട്ട: തിരുവനന്തപുരത്ത് മകളെ കാണാനെത്തിയ ആണ് സുഹൃത്തിനെ പെണ്കുട്ടിയുടെ അച്ഛന് കുത്തിക്കൊന്നു.തിരുവനന്തപുരം പേട്ട ചാലക്കുടി ലൈനിലാണ് സംഭവം. അനീഷ് ജോര്ജ് (19) എന്നയാളാണ് കൊല്ലപ്പെട്ടത്. കൊലപാതകത്തിന് ശേഷം പ്രതി ലാലന് പൊലീസ് സ്റ്റേഷനില് കീഴടങ്ങി. ഇന്ന് പുലര്ച്ചെ മൂന്ന് മണിയോടെയായിരുന്നു സംഭവം. രാത്രിയില് പെണ്കുട്ടിയെ കാണാനായി എത്തിയതായിരുന്നു അനീഷ് ജോര്ജ്. മകളുടെ മുറിയില് നിന്ന് ശബ്ദം കേട്ടതിനെ തുടര്ന്ന് ലാലന് ആയുധവുമായി എത്തി ആക്രമിക്കുകയായിരുന്നു.
മുറി തുറക്കാഞ്ഞതോടെ വാതില് തല്ലി തകര്ത്ത് അകത്ത് കയറി യുവാവിനെ ലാലന് കുത്തി. തുടര്ന്ന് പൊലീസ് സ്റ്റേഷനിലെത്തി ലാലന് തന്നെ സംഭവം അറിയിച്ചു. യുവാവിനെ കുത്തിയതായും ആശുപത്രിയില് എത്തിക്കണമെന്നും ലാലന് പൊലീസിനോട് പറഞ്ഞു. കള്ളൻ എന്ന് കരുതി കുത്തിയത് ആണെന്നാണ് ലാലൻ പറയുന്നത്. പൊലീസ് എത്തി യുവാവിനെ മെഡിക്കല് കോളേജില് എത്തിച്ചെങ്കിലും മരണം സംഭവിച്ചിരുന്നു. മൃതദേഹം തിരുവനന്തപുരം മെഡിക്കല് കോളേജില് സൂക്ഷിച്ചിരിക്കുകയാണ്.