തിരുവനന്തപുരം:സംസ്ഥാനത്ത് 19 പേർക്ക് കൂടി ഒമിക്രോൺ സ്ഥിരീകരിച്ചതായി ആരോഗ്യവകുപ്പ് അറിയിച്ചു. വിദേശത്ത് നിന്നെത്തിയ 16 പേർക്കും സമ്പർക്കത്തിലൂടെ മൂന്നുപേർക്കുമാണ് ഒമിക്രോൺ ബാധിച്ചത്. എറണാകുളം ജില്ലയിൽ 11, തിരുവനന്തപുരത്ത് 6, തൃശൂർ, കണ്ണൂർ ജില്ലകളിൽ ഒന്നു വീതമാണ് രോഗം സ്ഥിരീകരിച്ചത് . ഇതോടെ സംസ്ഥാനത്താകെ ഒമിക്രോൺ സ്ഥിരീകരിച്ചവരുടെ എണ്ണം 57 ആയി.
കേരളത്തിൽ 19 പുതിയ ഒമിക്രോൺ പോസിറ്റീവ് കേസുകൾ കൂടി റിപ്പോർട്ട് ചെയ്തതോടെ അതീവ ജാഗ്രത പാലിക്കണമെന്ന് ആരോഗ്യമന്ത്രി വീണ ജോർജ് . എല്ലാവരും ശരിയായവിധം മാസ്ക് ധരിക്കുകയും സാമൂഹിക അകലം പാലിക്കുകയും വേണം. വാക്സിന് എടുക്കാത്തവര് ഉടന് തന്നെ വാക്സിന് എടുക്കേണ്ടതാണെന്നും മന്ത്രി നിർദേശിച്ചു. വിദേശ രാജ്യങ്ങളില് നിന്നും വരുന്നവര് ക്വാറന്റൈന് വ്യവസ്ഥകള് കൃത്യമായി പാലിക്കണം. മറ്റ് സംസ്ഥാനങ്ങളില് നിന്ന് വരുന്നവരും ശ്രദ്ധിക്കേണ്ടതാണ്. എന്തെങ്കിലും രോഗലക്ഷണങ്ങള് കാണുന്നവര് ഉടന് ആരോഗ്യ പ്രവര്ത്തകരെ വിവരം അറിയിക്കേണ്ടതാണെന്നും മന്ത്രി വ്യക്തമാക്കി.
![](https://keralavisiontv.com/wp-content/uploads/2018/04/logo-1.jpg)