കൊല്ലം : ഉത്ര വധക്കേസില് വധശിക്ഷ ഒഴികെയുള്ള പരമാവധി ശിക്ഷയാണ് നല്കിയിട്ടുള്ളതെന്ന് പബ്ലിക് പ്രോസിക്യൂട്ടര്.പ്രതിയുടെ പ്രായവും ക്രിമിനല് പശ്ചാത്തലമില്ലാത്തതും പരിഗണിച്ചാണ് വധശിക്ഷയില് നിന്നും ഒഴിവാക്കിയത്. പ്രതിക്ക് മാനസിക പരിവർത്തനത്തിനുള്ള സമയം ഇനിയും ഉണ്ടെന്ന് കോടതി നിരീക്ഷിച്ചു. കൊലപാതകം, വധശ്രമം എന്നീ കേസുകളില് പ്രതിക്ക് ജീവപര്യന്തം ശിക്ഷയാണ് നല്കിയിട്ടുള്ളത്. മറ്റു രണ്ടു വകുപ്പുകള് പ്രകാരം 10 വര്ഷം, ഏഴു വര്ഷം തടവു വീതവും വിധിച്ചിട്ടുണ്ട്.
ആദ്യം 10 വര്ഷം തുടര്ന്ന് ഏഴു വര്ഷം എന്നിങ്ങനെ ശിക്ഷ അനുഭവിക്കണം. അതിനു ശേഷമാണ് ഇരട്ട ജീവപര്യന്തം ശിക്ഷ തുടങ്ങുകയെന്ന് കോടതി പ്രസ്താവിച്ചിട്ടുണ്ട്. ഇതുപ്രകാരം പ്രതി ആയുഷ്കാലം ജയിലില് കഴിയേണ്ടി വരുമെന്ന് പ്രോസിക്യൂട്ടര് പറഞ്ഞു. അഞ്ചുലക്ഷം രൂപ പിഴയും വിധിച്ചിട്ടുണ്ട്.
ഇന്ത്യന് ശിക്ഷാ നിയമത്തിലെ 302 ( കൊലപാതകം), 307 (വധശ്രമം), 328 (വിഷമുള്ള വസ്തു ഉപയോഗിച്ചുള്ള കൊലപാതകം), 201 (തെളിവ് നശിപ്പിക്കല്) എന്നീ വകുപ്പുകള് പ്രകാരമാണ് പ്രതി കുറ്റക്കാരനാണെന്ന് വിധിച്ചത്. അപൂര്വങ്ങളില് അപൂര്വമായ കേസായി കണക്കാക്കാനാകില്ലെന്ന് കോടതി പറഞ്ഞു