ഒസ്ലോ: സമാധാനത്തിനുള്ള നൊബേല്‍ പുരസ്‌കാരം പ്രഖ്യാപിച്ചു. മരിയ റേസ, ദിമിത്രി മുറാതോവ് എന്നീ മാധ്യമപ്രവര്‍ത്തകര്‍ക്കാണ് പുരസ്‌കാരം ലഭിച്ചത്. അഭിപ്രായ സ്വാതന്ത്രത്തിനു വേണ്ടിയുള്ള പോരാട്ടമാണ് ഇവരെ പുരസ്‌കാരത്തിന് അര്‍ഹരാക്കിയത്.
ഫിലിപ്പീന്‍സ് സ്വദേശിനിയാണ് മരിയ റേസ. അഭിപ്രായ സ്വാതന്ത്ര്യം നേടുന്നതിനായി അധികാര വര്‍ഗത്തോടാണ് ഇവര്‍ പോരാടിയത്. അന്വേഷണാത്മക പത്രപ്രവര്‍ത്തനം നടത്തുന്നതിന് 2012ല്‍ സ്ഥാപിച്ച റാപഌ എന്ന ഡിജിറ്റല്‍ മീഡിയ സ്ഥാപനത്തിന്‍റെ സ്ഥാപകരില്‍ ഒരാളാണ് മരിയ.
റഷ്യന്‍ സ്വദേശിയാണ് ദിമിത്രി മുറാതോവ്. അഭിപ്രായ സ്വാതന്ത്ര്യത്തിനായി പതിറ്റാണ്ടുകള്‍ നീണ്ട പോരാട്ടമാണ് ദിമിത്രി നടത്തിയത്. നോവാജോ ഗസറ്റയുടെ സ്ഥാപകരിലൊരാലാണ് ദിമിത്രി.
