തിരുവനന്തപുരം: സംസ്ഥാനത്ത് വിതരണം ചെയ്യുന്ന സൗജന്യ ഭക്ഷ്യകിറ്റ് നിർത്തലാക്കാൻ തീരുമാനിച്ചിട്ടില്ലെന്ന് ഭക്ഷ്യമന്ത്രി ജി.ആർ. അനിൽ. വിതരണത്തിന് നിലവിൽ സാമ്പത്തിക പ്രതിസന്ധിയുണ്ടെന്നും മന്ത്രി പറഞ്ഞു.
ഭക്ഷ്യകിറ്റ് വിതരണം സംബന്ധിച്ച് വിശദമായി ചർച്ച ചെയ്ത് തീരുമാനമെടുക്കുമെന്നും മന്ത്രി കൂട്ടിച്ചേർത്തു.കോവിഡിനെ തുടർന്നു 2020 ഏപ്രിൽ-മേയിലാണ് സൗജന്യ കിറ്റ് നൽകിത്തുടങ്ങിയത്. അന്നുമുതൽ ഓണം വരെ 13 തവണയാണ് കിറ്റ് വിതരണം ചെയ്തത്. ഏതാണ്ട് 11 കോടി കിറ്റുകൾ നൽകി. മാസം ശരാശരി 350-400 കോടി രൂപയാണ് ചെലവിട്ടത്. 11 കോടി കിറ്റുകൾക്കായി 5,200 കോടി രൂപ ചെലവിട്ടു
