കൊച്ചി: സോളാര്‍ പീഡനക്കേസിൽ സി ബി ഐ അന്വേഷണം തുടങ്ങി. തിരുവനന്തപുരം, കൊച്ചി കോടതികളിലായി രണ്ട് എഫ് ഐ ആര്‍ ഇത് സംബന്ധിച്ച്‌ സി ബി ഐ സമര്‍പ്പിച്ചു. മുന്‍മുഖ്യമന്ത്രി ഉമ്മന്‍ചാണ്ടി, കോണ്‍ഗ്രസ് നേതാക്കളായ കെ സി വേണുഗോപാല്‍, എ പി അനില്‍കുമാര്‍, ഹൈബി ഈഡന്‍, അടൂര്‍ പ്രകാശ്, ബി ജെ പി ദേശീയ വൈസ് പ്രസിഡന്റ് എ പി അബ്ദുല്ലക്കുട്ടി എന്നിവര്‍ക്കെതിരെയാണ് എഫ് ഐ ആര്‍ സമര്‍പ്പിച്ചിരിക്കുന്നത്.
സോളാറിലെ ഇര നല്‍കിയ പരാതിയിലാണ് അന്വേഷണം. തിരുവനന്തപുരം സി ബി ഐ യൂണിറ്റ് നടത്തുന്ന അന്വേഷണ പരിധിയില്‍ പീഡനം, സാമ്പത്തിക തട്ടിപ്പ് എന്നിവയാണ് വരുക.കേസിലെ ഇരയുടെ ആവശ്യം മുന്‍നിര്‍ത്തി സംസ്ഥാന സര്‍ക്കാര്‍ കേസ് സി ബി ഐക്ക് കൈമാറുകയായിരുന്നു. തുടര്‍ന്ന് ഇരയില്‍ നിന്ന് പ്രാഥമിക വിവരങ്ങള്‍ ശേഖരിച്ച ശേഷമാണ് സി ബി ഐ കേസ് ഏറ്റെടുത്തിരിക്കുന്നത്.
