നോട്ടിങ്ഹാം: ഇന്ത്യയും ഇംഗ്ലണ്ടും തമ്മിലുള്ള ഒന്നാം ക്രിക്കറ്റ് ടെസ്റ്റ് സമനിലയിൽ അവസാനിപ്പിച്ചു. ഇന്ത്യയുടെ വിജയത്തിന് മഴ തടസമായപ്പോൾ അഞ്ചാം ദിനത്തിൽ ഒരു പന്ത് പോലും എറിയാൻ സാധിച്ചില്ല. നാലാം ദിനത്തിൽ ഒരു വിക്കറ്റ് നഷ്ടത്തിൽ 52 റൺസെന്ന നിലയിൽ ഇന്ത്യ രണ്ടാം ഇന്നിങ്സ് ബാറ്റിങ് അവസാനിപ്പിച്ചിരുന്നു.
അഞ്ചാം ദിനത്തിൽ ഒൻപത് വിക്കറ്റുകൾ ശേഷിക്കെ ഇന്ത്യക്ക് 157 റൺസ് മാത്രമായിരുന്നു വിജയത്തിലേക്ക് വേണ്ടിയിരുന്നത്. എന്നാൽ ഇന്ത്യ വിജയ പ്രതീക്ഷയിൽ നിൽക്കെ ഇംഗ്ലണ്ടിന് ആശ്വാസമായി മഴ അഞ്ചാം ദിനത്തിലെ മുഴുവൻ സെഷനുകളും കൈയടക്കി. ഒന്നാം ഇന്നിങ്സിൽ ഇംഗ്ലണ്ട് 183 റൺസും രണ്ടാം ഇന്നിങ്സിൽ 303 റൺസും കണ്ടെത്തി. ഇന്ത്യയുടെ ഒന്നാം ഇന്നിങ്സിൽ 278 റൺസാണ് എടുത്തത്. 209 റൺസ് വിജയ ലക്ഷ്യത്തിലേക്കായിരുന്നു ഇന്ത്യയുടെ ബാറ്റിങ്.