കൊല്ലം: പ്രശസ്ത കാര്ട്ടൂണിസ്റ്റും നാടന്പാട്ട് കലാകാരനുമായ മനക്കര മനയില് പിഎസ് ബാനര്ജി (41) അന്തരിച്ചു. കൊവിഡ് രോഗം ഭേദമായ ശേഷം അനന്തര രോഗത്തിന് ചികിത്സയിലായിരുന്നു. ഇന്ന് പുലര്ച്ചെയാണ് മരണം സംഭവിച്ചത്. ലളിത കലാ അക്കാദമി ഫെലോഷിപ്പ് ലഭിച്ചിട്ടുണ്ട്. കൊല്ലം ശാസ്താംകോട്ട സ്വദേശിയാണ്. താരക പെണ്ണാളേ, കൊച്ചിക്കാരത്തി കൊച്ചു പെണ്ണേ തുടങ്ങി സമീപകാലത്ത് ജനപ്രീതി നേടിയ ഒട്ടേറെ നാടന് പാട്ടുകള് പാടിയത് ബാനര്ജി ആയിരുന്നു. പാച്ചു, സുഭദ്ര എന്നിവരാണ് മാതാപിതാക്കള്. ഭാര്യ ജയപ്രഭ. രണ്ടു മക്കളുണ്ട്.
കാര്ട്ടൂണിസ്റ്റും നാടന്പാട്ട് കലാകാരനുമായ പിഎസ് ബാനര്ജി (41) അന്തരിച്ചു
By
August 6, 2021 8:32 am