കണ്ണൂർ:കോതമംഗലം നെല്ലിക്കുഴിയില് കൊല്ലപ്പെട്ട മാനസയുടെയും ആത്മഹത്യ ചെയ്ത രഗിലിന്റെയും മൃതദേഹം ഇന്ന് സംസ്കരിക്കും. പോസ്റ്റ്മോര്ട്ടത്തിന് ശേഷം ഇന്നലെ രാത്രി തന്നെ ഇരുവരുടെയും മൃതദേഹം സ്വദേശമായ കണ്ണൂരിലെത്തിച്ചിരുന്നു.
മാനസയുടെ മൃതദേഹം രാവിലെ എട്ടുമണിയോടെ കണ്ണൂര് നാറാത്ത് വീട്ടിലെത്തിക്കും. തുടര്ന്ന് പയ്യാമ്പലം പൊതുശ്മശാനത്തിലാകും സംസ്കാരം.
രഗിലിന് തോക്ക് എവിടെ നിന്ന് കിട്ടിയെന്നതില് അന്വേഷണം തുടരുകയാണ്. തോക്കിന്റെ ഉറവിടം കണ്ടെത്താനായി രഗിലിന്റെ സുഹൃത്തുക്കളെയും ചോദ്യം ചെയ്തേക്കും. രഖിലിന്റെ ബിസിനസ് പാര്ട്ണര് ആയ ആദിത്യന്റെ ഫോണ് വിശദാംശങ്ങള് പൊലീസ് പരിശോധിക്കുകയാണ്.
സംസ്കാര ചടങ്ങുകള്ക്ക് ശേഷം രഖിലിന്റെയും മാനസയുടെയും മാതാപിതാക്കളുടെ മൊഴി പൊലീസ് വിശദമായി രേഖപ്പെടുത്തും.