മുംബൈ: ഭാര്യ കോമൾ അഗര്‍വാളിന്റെ മരണവുമായി ബന്ധപ്പെട്ട് ജീതു ജാന്‍ എന്നറിയപ്പെടുന്ന യൂട്യൂബ് ആര്‍ട്ടിസ്റ്റ് ജിതേന്ദ്രയെ ഭണ്ഡപ്പ് പോലീസ് അറസ്റ്റ് ചെയ്തു. സീലിംഗ് ഫാനില്‍ തൂങ്ങിമരിച്ച നിലയിലാണ് കോമളിനെ കണ്ടെത്തിയത്‌.
പോലീസ് ആദ്യം ആകസ്മിക മരണത്തിന് കേസെടുത്തിരുന്നു. എന്നാല്‍ അഗര്‍വാളിന്റെ അമ്മയും സഹോദരിയും നല്‍കിയ പരാതിയെത്തുടര്‍ന്ന് ഭര്‍ത്താവ് ജിതേന്ദ്രയ്‌ക്കെതിരെ ഭീഷണിപ്പെടുത്തല്‍, ആത്മഹത്യപ്രേരണ, കൊലപാതകം, ആക്രമണം എന്നിവയ്ക്ക് കേസെടുത്തിരുന്നു.
കോമാലിന്റെ കുടുംബം സമര്‍പ്പിച്ച കേസിനെ തുടര്‍ന്നാണ് അറസ്റ്റ് നടന്നതെന്ന് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തു. ജീതു ഭാര്യയെ കൊന്നുവെന്നാണ് ആരോപണം.
ജീതു പതിവായി ഭാര്യയെ ഉപദ്രവിച്ചിരുന്നുവെന്ന്‌
കോമാലിന്റെ അമ്മയും സഹോദരിയും പറഞ്ഞു. ‘ജിതേന്ദ്ര കോമലിനെ പലതവണ ശാരീരികമായി പീഡിപ്പിച്ചിരുന്നു. അയാള്‍ അവളെ കൊന്നിട്ടുണ്ടാകാമെന്ന് സങ്കല്‍പ്പിക്കാന്‍ പ്രയാസമില്ല,’ സഹോദരി പ്രിയ പറഞ്ഞു.
കോമല്‍ ആത്മഹത്യ ചെയ്തതാണോ അതോ മരണം യഥാര്‍ത്ഥത്തില്‍ കൊലപാതകമാണോയെന്ന് കണ്ടെത്താന്‍ പോസ്റ്റ്‌മോര്‍ട്ടം റിപ്പോര്‍ട്ടിനായി പോലീസ് കാത്തിരിക്കുകയാണ്.
