തിരുവനന്തപുരം: പൊതുജനങ്ങള്ക്ക് റോഡുകളെ പറ്റി പരാതി അറിയിക്കാന് മൊബൈല് ആപ്പ് സംവിധാനം നടപ്പിലാക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. പൊതുമരാമത്ത് വകുപ്പ് റോഡുകളെ പറ്റിയുള്ള ഏത് പരാതിയും ഇനി ഈ ആപ്പിലൂടെ അറിയാക്കാം. ജൂണ് 7 മുതല് ആപ്പ് ഗൂഗിള് പ്ലേ സ്റ്റോറിലും ആപ്പിള് സ്റ്റോറിലും ലഭ്യമാവുമെന്നും മന്ത്രി പറഞ്ഞു.
ആപ്പ് വഴി ലഭിക്കുന്ന പരാതികള് എസ്.എം.എസ് വഴിയും ഇമെയില് വഴിയും ബന്ധപ്പെട്ട റോഡ്സ് വിഭാഗം എഞ്ചിനീയര്മാരെ അറിയിക്കും. പരാതി പരിഹരിച്ച ശേഷം വിവരം ആപ്പില് അപ്ഡേറ്റ് ചെയ്യും. പരാതി നല്കിയവര്ക്ക് ആപ്പിലൂടെ തന്നെ തുടര്വിവരങ്ങള് അറിയാന് സാധിക്കും.