കൊച്ചി: കേരളത്തിലൂടെ ഓടുന്ന 44 തീവണ്ടികൾ കൂടി റദ്ദാക്കി. ദീർഘദൂര സർവീസുകളും റദ്ദാക്കിയതിൽ ഉൾപ്പെടുന്നു. ഇതോടെ രണ്ടാഴ്ചയ്ക്കിടയിൽ റദ്ദാക്കിയത് 62 തീവണ്ടികളാണ്.
മാവേലി, അമൃത, പരശുറാം എന്നിങ്ങനെ ഏതാനും പ്രതിദിന തീവണ്ടികൾ മാത്രമാണ് ഇപ്പോൾ സർവീസ് നടത്തുന്നത്. എറണാകുളം-ആലപ്പുഴ, ആലപ്പുഴ-കൊല്ലം, കണ്ണൂർ-ഷൊർണൂർ, മംഗലാപുരം-ചെന്നൈ, കൊച്ചുവേളി-ഇൻഡോർ, എറണാകുളം-ലോകമാന്യതിലക്, കൊച്ചുവേളി-പോർബന്തർ, വഞ്ചിനാട് എക്സ്പ്രസ്, എറണാകുളം-ഷൊർണൂർ എന്നീ സർവീസുകളും നിർത്തിവെച്ചു.
