ഇടുക്കി: നിയമസഭ തെരഞ്ഞെടുപ്പ് തോൽവിക്ക് പിന്നാലെ യുഡിഎഫ് സ്ഥാനാർത്ഥി ആയിരുന്ന ഇ എം ആഗസ്തി തല മൊട്ടയടിച്ചു.എതിർ സ്ഥാനാർഥി എം.എം.മണിക്ക് 20,000 കടന്ന് ഭൂരിപക്ഷം ലഭിച്ചാൽ തലമുണ്ഡനം ചെയ്യുമെന്ന് തെരഞ്ഞെടുപ്പിന് മുൻപേ ആഗസ്തി പ്രഖ്യാപിച്ചിരുന്നു. തെരഞ്ഞെടുപ്പിൽ 38,305 വോട്ടുകളുടെ ഭൂരിപക്ഷം നേടിയാണ് മണി വിജയിച്ചു കയറിയത്.
തെരഞ്ഞെടുപ്പിൽ തോൽവിയും ജയവും സാധാരണമാണെന്നും ആഗസ്തി തീരുമാനത്തിൽ നിന്നും പിന്മാറണമെന്നും ഫലപ്രഖ്യാപനത്തിന് ശേഷം എം.എം.മണി ആവശ്യപ്പെട്ടിരുന്നു.എന്നാൽ തൻ്റെ തീരുമാനത്തിൽ ഉറച്ച് നിന്ന് മുടി മുറിക്കുകയായിരുന്നു.
