ലണ്ടന്‍: എലിസബത്ത് രാജ്ഞിയുടെ ഭര്‍ത്താവ് ഫിലിപ്പ് രാജകുമാരന്‍ അന്തരിച്ചു. 99 വയസായിരുന്നു. വെള്ളിയാഴ്ച രാവിലെ വിന്‍ഡ്സര്‍ കാസ്റ്റിലായിരുന്നു അന്ത്യം. ബെക്കിംഗ്ഹാം കൊട്ടാരമാണ് ഇക്കാര്യം അറിയിച്ചത്.
1921 ജൂണ്‍ 10ന് ഗ്രീക്ക്-ഡാനിഷ് രാജകുടുംബത്തിലാണ് ഫിലിപ്പ് രാജകുമാരന്‍ ജനിച്ചത്. രാജകീയ നാവിക സേനാ ഉദ്യോഗസ്ഥനായിരുന്ന ഫിലിപ്പും എലിസബത്തും തമ്മിലുള്ള വിവാഹം 1947ലായിരുന്നു. ദന്പതികള്‍ മാള്‍ട്ടായിലേക്കു പോയി. അവിടെയായിരുന്നു ഫിലിപ്പിനു പോസ്റ്റിംഗ് കിട്ടിയത്.
1952ല്‍ പിതാവ് ജോര്‍ജ് ആറാമന്‍ ദിവംഗതനായതിനെത്തുടര്‍ന്ന് ബ്രിട്ടീഷ് സിംഹാസനത്തിന്‍റെ അവകാശം എലിസബത്ത് രാജ്ഞിക്കായി.
