ഇസ്ലാമബാദ്: പാകിസ്താൻ പ്രധാനമന്ത്രി ഇമ്രാന്‍ ഖാന് കൊവിഡ് സ്ഥിരീകരിച്ചു. പാക് ആരോഗ്യ മന്ത്രിയാണ് ഇക്കാര്യം അറിയിച്ചത്.
‘പ്രധാന മന്ത്രി ഇമ്രാന്‍ ഖാന് കൊവിഡ് സ്ഥിരീകരിച്ചു. വീട്ടില്‍ നിരീക്ഷണത്തില്‍ കഴിയുന്നു’- ആരോഗ്യ മന്ത്രി ഫൈസല്‍ സുല്‍ത്താന്‍ ട്വിറ്ററില്‍ കുറിച്ചതിങ്ങനെ.
പാകിസ്താനില്‍ കൊവിഡ് വ്യാപനം രൂക്ഷമാവുകയാണ്. 623,135 പേര്‍ക്കാണ് രാജ്യത്ത് ഇതുവരെ കൊവിഡ് സ്ഥിരീകരിച്ചത്. 13,799 പേര്‍ ഇതിനോടകം കൊവിഡ് ബാധിച്ച്‌ മരിച്ചു. 579,760 പേര്‍ രോഗമുക്തി നേടി.
