കോഴിക്കോട്: മൂന്ന് മാസത്തിന് ശേഷം നിലമ്പൂർ എം എല് എ പി വി അന്വര് നാട്ടില് തിരിച്ചെത്തി. ഖനന വ്യവസായുമായി ബന്ധപ്പെട്ട് അദ്ദേഹം ആഫ്രിക്കയിലായിരുന്നു. തിരിച്ചെത്തിയ എം എല് എയെ സ്വീകരിക്കാന് വിമാനത്താവളത്തിന് പുറത്ത് പ്രവര്ത്തകരുടെ വലിയൊരു സംഘം തന്നെ കാത്തുനില്ക്കുന്നുണ്ട്.
എം എല് എ ഒരാഴ്ച എടക്കരയിലെ വീട്ടില് ക്വാറന്റീനില് കഴിയുമെന്ന് സിപിഎം അറിയിച്ചു. കഴിഞ്ഞ ദിവസം ഫേസ്ബുക്ക് വീഡിയോയിലൂടെയാണ് താന് നാട്ടിലേക്ക് വരുന്ന കാര്യം അദ്ദേഹം അറിയിച്ചത്. തിരിച്ചെത്തുന്നത് 25,000 കോടിയുടെ ഖനന പദ്ധതിയുമായിട്ടാണെന്നും,പദ്ധതിയിലൂടെ നിരവധി പേര്ക്ക് ജോലികിട്ടുമെന്നും അദ്ദേഹം വീഡിയോയില് പറഞ്ഞിരുന്നു.