ഭോപ്പാൽ: മധ്യപ്രദേശിൽ നിന്നും വീണ്ടും ഒരു ക്രൂരതയുടെ വാർത്ത പുറത്തുവരുന്നു. സ്ത്രീകൾക്ക് നേരെയുള്ള ഉള്ള ആക്രമണങ്ങൾ ഇവിടെ വർധിച്ചുവരികയാണ്.ആക്രമണം ഉണ്ടാകും പോലീസ് കേസെടുക്കും വീണ്ടും അത് ആവർത്തിക്കുന്നു. ഇത്തവണ മധ്യപ്രദേശിലെ ഗുണയിൽ ആണ് ആദിവാസി സ്ത്രീക്കു നേരെ കൊടും ക്രൂരത നടന്നത്. ഭർത്താവിന്‍റെ ബന്ധുവിനെ ഇവരുടെ തോളിലിരുത്തി ഗ്രാമത്തിലൂടെ മൂന്ന് കിലോമീറ്ററോളം നടത്തിക്കുകയായിരുന്നു. സംഭവത്തിന്‍റെ ദൃശ്യങ്ങൾ വ്യാപകമായി പ്രചരിക്കുന്നുണ്ട്.
A married tribal woman in Guna was beaten up, shamed and forced to carry her relatives on her shoulders as punishment @ndtv @ndtvindia @NCWIndia @sharmarekha @ChouhanShivraj @drnarottammisra @OfficeOfKNath @manishndtv @GargiRawat @vinodkapri @rohini_sgh pic.twitter.com/H8ZJL8m86g
— Anurag Dwary (@Anurag_Dwary) February 15, 2021
ഭർത്താവുമായി പിരിഞ്ഞ് മറ്റൊരാളുമായി ഒളിച്ചു താമസിക്കാൻ തീരുമാനിച്ചുവെന്ന് ചൂണ്ടിക്കാട്ടിയാണ് സ്ത്രീക്കെതിരേ കൊടും ക്രൂരതയുണ്ടായത്. കമ്പും ബാറ്റും അടക്കമുള്ളവയുമായി ഒരു കൂട്ടം ഗ്രാമവാസികളും ഇവരെ അനുഗമിക്കുന്നുണ്ട്.
സ്ത്രീയുടെ നടപ്പിന് വേഗത കുറയുമ്പോൾ മർദ്ദിക്കുകയും ചെയ്യുന്നുണ്ട്. സംഭവത്തിൽ ഭർത്താവ് അടക്കം ഏഴ് പേർക്കെതിരേ പോലീസ് കേസെടുത്തു.
