പാലക്കാട് ആറുവയസുകാരനെ കൊലപ്പെടുത്തിയ കേസിൽ അമ്മ ഷാഹിദയെ പോലീസ് അറസ്റ്റ് ചെയ്തു. ഷാഹിദയുടെ മൂന്നാമത്തെ മകനായ ആമിലിനെയാണ് കൊലപ്പെടുത്തിയത്. ഞായറാഴ്ച പുലർച്ചെ ശുചി മുറിയിൽ വെച്ച് കഴുത്തറുത്ത് കൊല്ലുകയായിരുന്നു.
ഉറങ്ങിക്കിടന്ന കുട്ടിയുടെ കാലുകൾ കൂട്ടിക്കെട്ടിയതിനുശേഷമാണ് മുറിയിലേക്ക് കൊണ്ടുപോയത്. പുലർച്ചെ നാലിനായിരുന്നു കൊല . പുതുപ്പള്ളി തെരുവ് പുളക്കാട് സുലൈമാന്റെ ഭാര്യയാണ് ഷാഹിദ.
ഷാഹിദ തന്നെയാണ് വിവരം പോലീസിനെ വിളിച്ചറിയിച്ചത്. ദൈവത്തിനുവേണ്ടി മകനെ ബലി നൽകിയെന്നാണ് ഷാഹിദ പോലീസിനോട് പറഞ്ഞത്. കൊലപാതകം നടന്നത് ഭർത്താവോ മറ്റു മക്കളോ അറിഞ്ഞിരുന്നില്ല. ഇപ്പോൾ ഗർഭിണിയാണ് ഷാഹിദ.
