തിരുവനന്തപുരം: സിസ്റ്റർ അഭയ കേസിൽ പ്രതികൾ കുറ്റക്കാർ.ഫാദർ തോമസ് കോട്ടൂരും സിസ്റ്റർ സെഫിയും കുറ്റക്കാരെന്ന് തിരുവനന്തപുരം സിബിഐ പ്രത്യേക കോടതി വിധിച്ചു.കൊലക്കുറ്റം ആണ് ഇവരുടെ മേൽ ചുമത്തിയിരിക്കുന്നത്.ഐപിസി 201 പ്രകാരം തെളിവ് നശിപ്പിച്ചതിനും ഇരുവരും കുറ്റക്കാർ.
28 വര്ഷത്തെ നീണ്ട പോരാട്ടത്തിനൊടുവില് അഭയ കേസില് വിധി പ്രസാതാവിച്ചു.
തിരുവനന്തപുരം സിബിഐ പ്രത്യേക കോടതി സിബിഐ ജഡ്ജി ജെ. സനല്കുമാര് ആണ് വിധി പ്രസ്താവിച്ചത്. ശിക്ഷാവിധി നാളെ പുറപ്പെടുവിക്കും.
ഒരു വര്ഷം മുന്പാണ് വിചാരണ ആരംഭിച്ചത്. 49 പ്രോസിക്യൂഷന് സാക്ഷികളെ വിസ്തരിച്ചു. എട്ട് പേര് വിചാരണയ്ക്കിടെ കൂറുമാറി.
1992 മാര്ച്ച് 27നാണ് കോട്ടയം പയസ്സ് ടെന്ത് കോണ്വെന്റിലെ അന്തേവാസിയായ സിസ്റ്റര് അഭയയുടെ മൃതദേഹം കോണ്വെന്റിലെ കിണറ്റില് കാണപ്പെട്ടത്.
ബിസിഎം കോളജിലെ പ്രിഡിഗ്രി വിദ്യാര്ഥിയായിരുന്നു അഭയ. ആദ്യം ലോക്കല് പൊലീസും പിന്നീട് െ്രെകംബ്രാഞ്ചും കേസന്വേഷിച്ചെങ്കിലും ആത്മഹത്യയെന്ന നിഗമനത്തില് എത്തുകയായിരുന്നു. സിബിഐ അന്വേഷണം തുടങ്ങി 15 വര്ഷത്തിനു ശേഷമാണ് കൊലപാതകമാണെന്ന് കണ്ടെത്തിയത്.
ഫാദര് തോമസ് എം കോട്ടൂര്, സിസ്റ്റര് സെഫി എന്നിവരാണ് കേസില് വിചാരണ നേരിട്ട പ്രതികള്. രണ്ടാം പ്രതി ഫാ. ജോസ് പൂതൃക്കയിലിനെ വിചാരണയ്ക്കു മുമ്ബ് കുറ്റവിമുക്തനാക്കി. നാലാം പ്രതി ആഗസ്റ്റിന് വിചാരണയ്ക്കു മുമ്ബു മരിച്ചു.
ദൃക്സാക്ഷികള് ഇല്ലാതിരുന്ന കേസില് സാഹചര്യത്തെളിവുകളും ശാസ്ത്രീയ തെളിവുകളുമാണ് സിബിഐ ആശ്രയിച്ചത്.