കൊച്ചി: കേരള ഹൈക്കോടതിയിൽ ചീഫ് ജസ്റ്റിസായ ആദ്യ മലയാളി വനിത ജസ്റ്റിസ് കെ.കെ.ഉഷ (81) അന്തരിച്ചു. 2000-2001ൽ കേരള ഹൈക്കോടതി ചീഫ് ജസ്റ്റിസായിരുന്നു. 1961ൽ അഭിഭാഷകവൃത്തി ആരംഭിച്ച ഉഷ 1979ൽ കേരള ഹൈക്കോടതിയിൽ ഗവ. പ്ലീഡറായി. 1991 ഫെബ്രുവരി 25 മുതൽ 2001 ജൂലൈ 3 വരെ കേരള ഹൈക്കോടതിയിൽ ജഡ്ജിയും 2000-2001ൽ ചീഫ് ജസ്റ്റിസുമായി.
1939 ജൂലൈ മൂന്നിന് തൃശൂരിലായിരുന്നു ജനനം.
ഹൈക്കോടതി റിട്ട. ജഡ്ജി കെ. സുകുമാരന് ആണ് ഭര്ത്താവ്. രാജ്യത്തെ ആദ്യ ന്യായാധിപ ദമ്ബതികള് എന്ന നിലയില് ശ്രദ്ധയേയരായിരുന്നു ഇരുവരും. മക്കള്: ലക്ഷ്മി (യുഎസ്), കാര്ത്തിക (അഭിഭാഷക, കേരള ഹൈക്കോടതി. മരുമക്കള്: ഗോപാല് രാജ് (ദ ഹിന്ദു), ശബരീനാഥ് (ടൈംസ് ഓഫ് ഇന്ത്യ).
ജസ്റ്റിസ് കെ കെ ഉഷ യുടെ നിര്യാണത്തില് മുഖ്യമന്ത്രി അനുശോചിച്ചു. നീതിന്യായ മേഖലയ്ക്ക് വലിയ സംഭാവന നല്കിയ ജഡ്ജിയും അഭിഭാഷകയുമായിരുന്നു ജസ്റ്റിസ് കെ കെ ഉഷ എന്ന് മുഖ്യമന്ത്രി പിണറായി വിജയന് പറഞ്ഞു. ഹൈക്കോടതി ജഡ്ജി എന്ന നിലയിലും ചീഫ് ജസ്റ്റിസ് എന്ന നിലയിലും മികച്ച പ്രവര്ത്തനമാണ് അവര് നടത്തിയത്. സ്ത്രീകളുടെ പ്രശ്നങ്ങളില് സ്ത്രീപക്ഷ കാഴ്ചപ്പാടോടെ അവര് നടത്തിയ ഇടപെടലുകള് ശ്രദ്ധേയമായിരുന്നു.
അഭിഭാഷകവൃത്തിയില് സ്ത്രീകള് കുറവായിരുന്ന കാലത്താണ് അവര് ഈ രംഗത്തേക്ക് വന്നതും സ്വപ്രയത്നത്തിലൂടെ ശോഭിച്ചതും. സൗമ്യമായ പെരുമാറ്റവും സമഭാവനയോടെയുള്ള ഇടപെടലും അവരുടെ മറ്റൊരു സവിശേഷതയായിരുന്നു. ഉഷയുടെ നിര്യാണത്തില് മുഖ്യമന്ത്രി അഗാധമായ ദുഃഖവും അനുശോചനവും രേഖപ്പെടുത്തി.