ന്യൂഡല്‍ഹി: രാജ്യത്ത് ആശങ്കാജനകമായ സാഹചര്യമാണ് ഉള്ളതെന്ന് പ്രധാനമന്ത്രി. കോവിഡ് ഏറ്റവും കൂടുതല്‍ ആശങ്ക വിതക്കുന്നത് ഏഴ് സംസ്ഥാനങ്ങളിലെ 60 ജില്ലകളിലാണെന്ന് പ്രധാനമന്ത്രി നരേന്ദ്രമോദി. കോവിഡ് ബാധ ഏറ്റവും രൂക്ഷമായി തുടരുന്ന ഏഴ് സംസ്ഥാനങ്ങളിലെ മുഖ്യമന്ത്രിമാരുമായി നടത്തിയ വീഡിയോ കോണ്‍ഫറന്‍സിലാണ് പ്രധാനമന്ത്രിയുടെ പരാമര്‍ശം.
പരിശോധനകള്‍ വര്‍ധിപ്പിക്കുക, രോഗികളെ കണ്ടെത്തുക, ചികില്‍സയും നിരീക്ഷണവും, ബോധവല്‍ക്കരണം എന്നിവയാണ് കോവിഡിനെ പ്രതിരോധിക്കാനുള്ള പ്രധാന മാര്‍ഗങ്ങളെന്ന് അദ്ദേഹം പറഞ്ഞു. മുഖ്യമന്ത്രിമാര്‍ ജില്ല, ബ്ലോക്ക്തല ഉദ്യോഗസ്ഥരുമായി വീഡിയോ കോണ്‍ഫറന്‍സ് നടത്തണമെന്നും അദ്ദേഹം ആവശ്യപ്പെട്ടു.
മഹാരാഷ്ട്ര, ആന്ധ്രപ്രദേശ്, കര്‍ണാടക, ഉത്തര്‍പ്രദേശ്, തമിഴ്നാട്, പഞ്ചാബ്, ഡല്‍ഹി എന്നീ സംസ്ഥാനങ്ങളിലാണ് രാജ്യത്തെ 63 ശതമാനം ആക്ടീവ് കോവിഡ് കേസുകളും.
