മുംബൈ:സീരിയല്‍ താരം സേജല്‍ ശര്‍മ്മയുടെ ആത്മഹത്യയുമായി ബന്ധപ്പെട്ട് കാമുകനായിരുന്ന മോഡൽ അറസ്റ്റില്‍. നടിയുടെ മരണം നടന്ന് ഏഴുമാസം കഴിഞ്ഞപ്പോഴാണ് അറസ്റ്റ്. ഡല്‍ഹി സ്വദേശിയായ ആദിത്യ വസിഷ്ഠ് എന്നയാളാണ് പൊലീസ് പിടിയിലായിരിക്കുന്നത്.
മോഡലും ജിം ട്രെയിനറുമായ ആദിത്യയ്ക്കെതിരെ ആത്മഹത്യാപ്രേരണ കുറ്റത്തിനാണ് എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്. താനെ മജിസ്ട്രേറ്റിന് മുന്നില്‍ ഹാജരാക്കിയ ആദിത്യയെ നിലവില്‍ നാല് ദിവസത്തേക്ക് പൊലീസ് കസ്റ്റഡിയില്‍ വിട്ടിരിക്കുകയാണ് .ഇക്കഴി‍ഞ്ഞ ജനുവരി 24നാണ് തന്‍റെ അപ്പാര്‍ട്മെന്‍റിനുള്ളില്‍ തൂങ്ങിമരിച്ച നിലയില്‍ സേജലിന് കണ്ടെത്തുന്നത്. അന്നേ ദിവസം ഇവര്‍ ആകെ സംസാരിച്ചത് ആദിത്യയുമായി മാത്രമാണെന്ന് അന്വേഷണത്തില്‍ വ്യക്തമായിരുന്നു
വിഷാദ രോഗമാണ് ആത്മഹത്യയിലേക്ക് നയിച്ചതെന്നാണ് ആദ്യം അഭ്യൂഹങ്ങള്‍ പ്രചരിച്ചതെങ്കിലും പിന്നീട് സേജലിന്‍റെ അമ്മ തന്നെ പരാതിയുമായി എത്തിയതോടെ ഏപ്രിലില്‍ പൊലീസ് കേസെടുത്ത് അന്വേഷണം ആരംഭിക്കുകയായിരുന്നു.
