ഡൽഹി: ലോകത്ത് കോവിഡ് ബാധിതരുടെ എണ്ണം മുകളിലേക്ക് തന്നെ. ഒരു ദിവസത്തിനിടെ രണ്ടരലക്ഷത്തിലേറെ പുതിയ കേസുകളാണ് ലോകത്താകെ റിപ്പോർട്ട് ചെയ്തത്. 277,051 പേർക്ക് ഇന്നലെ മാത്രം കോവിഡ് സ്ഥിരീകരിച്ചു.
ഇതോടെ ലോകത്ത് ആകെ കോവിഡ് ബാധിതരുടെ എണ്ണം 17,453,208 ആയി. കോവിഡ് ബാധിച്ച് 6,214 പേർ ഇന്നലെ മരിച്ചു. ആകെ മരണം 675,760 ആയി ഉയർന്നു. 5,852,385 രോഗികളാണ് നിലവിൽ ചികിത്സയിലുള്ളത്. ഇതിൽ 5,852,385 പേർക്കും കാര്യമായ രോഗലക്ഷണങ്ങളില്ല.
ആകെ കേസിന്‍റെ 99 ശതമാനം വരുമിത്. എന്നാൽ ലോകത്താകെ 66,413 പേർ കോവിഡ് ബാധിച്ച് ഗുരുതരാവസ്ഥയിൽ ചികിത്സയിലുണ്ട്. അമേരിക്കയും ബ്രസീലുമാണ് കോവിഡ് മോശമായി ബാധിച്ച രാജ്യങ്ങളുടെ പട്ടികയിൽ ഒന്നിലും രണ്ടിലും. ഇന്ത്യ മൂന്നാം സ്ഥാനത്ത് തുടരുകയാണ്.
