ന്യൂഡൽഹി: കോവിഡ് വ്യാപനം തുടരുന്നതിന്റെ പശ്ചാത്തലത്തിൽ ഒൻപത് മുതൽ 12-ാം ക്ലാസ് വരെയുള്ള വിദ്യാർഥികളുടെ സിലബസ് 30 ശതമാനം സിബിഎസ്ഇ വെട്ടിക്കുറച്ചു. കേന്ദ്ര മാനവവിഭവശേഷി മന്ത്രി രമേശ് പൊഖ്രിയാലാണ് ഇക്കാര്യം അറിയിച്ചത്.
കോവിഡ് മഹാമാരി പടരുന്നത് മൂലം രാജ്യത്തും ലോകത്തും നിലനിൽക്കുന്ന അസാധാരണ സാഹചര്യം കണക്കിലെടുത്താണ് തീരുമാനമെന്നും കേന്ദ്രമന്ത്രി വ്യക്തമാക്കി. സിലബസ് കുറവ് വരുത്തുന്ന കാര്യത്തിൽ വിദഗ്ധരിൽ നിന്നും എൻസിആർടിസി അടക്കമുള്ളവരുമായും സിബിഎസ്ഇ കൂടിയാലോചനകൾ നടത്തിയിരുന്നു.
1500ൽ അധികം നിർദേശങ്ങളാണ് ഇക്കാര്യത്തിൽ ലഭിച്ചത്. മികച്ച പ്രതികരണത്തിനു എല്ലാവരോടും നന്ദി അറിയിക്കുന്നതായും മന്ത്രി ട്വിറ്ററിൽ ഇട്ട കുറിപ്പിൽ പറഞ്ഞു.
സിബിഎസ്ഇ സിലബസ് 30 ശതമാനം വെട്ടിക്കുറച്ചു
By
July 7, 2020 10:26 pm