ന്യൂഡല്ഹി: പെട്രോളിന്റെയും ഡീസലിന്റെയും എക്സൈസ് തീരുവ കൂട്ടി കേന്ദ്രസര്ക്കാര്. പെട്രോളിന്റെ തീരുവ ലിറ്ററിന് 10 രൂപയും ഡീസലിന്റെത് 13 രൂപയുമാണ് വര്ധിപ്പിച്ചത്. എന്നാല്, ഇതുമൂലം ചില്ലറ വിപണിയില് എണ്ണവില വര്ധിക്കില്ലെന്ന് കേന്ദ്രസര്ക്കാര് അറിയിച്ചു.
മെയ് ആറ് മുതല് പുതിയ നിരക്ക് നിലവില് വരും. അന്താരാഷ്ട്ര വിപണിയില് എണ്ണ വില കുറഞ്ഞത് മൂലമുണ്ടായ നഷ്ടം നികത്തുന്നതിനാണ് തീരുവ കൂട്ടിയതെന്ന് കേന്ദ്രസര്ക്കാര് വ്യക്തമാക്കി. വികസന പദ്ധതികള്ക്ക് പണം കണ്ടെത്തുന്നത് പെട്രോളിനും ഡീസലിനും ചുമത്തുന്ന എക്സൈസ് തീരുവയില് നിന്നാണെന്നും കേന്ദ്രസര്ക്കാര് ഉദ്യോഗസ്ഥന് അറിയിച്ചു.