വയനാട്: എക്സൈസ് ഉദ്യോഗസ്ഥന്‍റെ സഹായത്തോടെ കേന്ദ്രീയ വിദ്യാലയത്തിലെ അധ്യാപിക കര്‍ണാടക അതിര്‍ത്തി കടന്നു. തിരുവനന്തപുരം കേന്ദ്രീയ വിദ്യാലത്തിലെ അധ്യാപികയാണ് അതിര്‍ത്തി കടന്നത്.
തിരുവനന്തപുരം റൂറല്‍ നാര്‍ക്കോട്ടിക് ഡിവൈഎസ്പി അനുവദിച്ച പാസുമായാണ് അധ്യാപിക കര്‍ണാടക അതിര്‍ത്തി കടന്നത്. കല്‍പറ്റ എക്സൈസ് സര്‍ക്കിള്‍ ഇന്‍സ്പെക്ടറുടെ സഹായത്തോടെ വയനാട്ടിലെ ചുരവും മുത്തങ്ങ അതിര്‍ത്തിയും ഇവര്‍ കടന്നത്. സംഭവത്തില്‍ ഇന്‍സ്പെക്ടര്‍ക്കെതിരെ അന്വേഷണത്തിന് കളക്ടര്‍ ഉത്തരവിട്ടിട്ടുണ്ട്.
ഇങ്ങനെ പാസ് അനുവദിക്കാന്‍ പോലീസിനും അധികാരമില്ല. അതാത് ജില്ലാ കളക്ടര്‍മാരാണ് അന്തര്‍ സംസ്ഥാന അതിര്‍ത്തി കടക്കാന്‍ പാസ് അനുവദിക്കേണ്ടത്. നാര്‍ക്കോട്ടിക് ഡിവൈഎസ്പിക്കെതിരെയും കേസുണ്ടാകും. കോവിഡ് 19 ജാഗ്രതയുടെ ഭാഗമായി കര്‍ശന പരിശോധനകളാണ് അതിര്‍ത്തികലില്‍ നിലവിലുള്ളത്. ഇതെല്ലാം ലംഘിച്ചാണ് അധ്യാപിക അതിര്‍ത്തി കടന്നത്.
സംഭവത്തില്‍ അധ്യാപികക്കെതിരെയും കേസെടുത്തിട്ടുണ്ട്. പകര്‍ച്ച വ്യാധി തടയല്‍ നിയമപ്രകാരമാണ് കേസ്
