കൊച്ചി: പൗരത്വ ഭേദഗതി നിയമത്തിനെതിരെ പ്രതിഷേധവുമായി വ്യാഴാഴ്ച ജില്ല കേന്ദ്രങ്ങളില് യു.ഡി.എഫ് മനുഷ്യഭൂപടം തീര്ക്കും. വയനാട്ടിലെ കല്പറ്റയില് രാവിലെ 11ന് രാഹുല് ഗാന്ധി പങ്കെടുക്കുന്ന ഭരണഘടന സംരക്ഷണ ലോങ് മാര്ച്ചാണ് നടക്കുക.
എ.ഐ.സി.സി ജനറല് സെക്രട്ടറി കെ.സി വേണുഗോപാല്, മുന് മുഖ്യമന്ത്രി ഉമ്മന് ചാണ്ടി, പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് എന്നിവര് ലോങ് മാര്ച്ചില് അണിനിരക്കും. ഓരോ ജില്ലകളിലെയും ഏറ്റവും വിശാല ഗ്രൗണ്ടുകളാണ് മനുഷ്യഭൂപടത്തിന് തെരഞ്ഞെടുത്തിരിക്കുന്നതെന്ന് യു.ഡി.എഫ് കണ്വീനര് ബെന്നി ബെഹനാന് വാര്ത്ത സമ്മേളനത്തില് അറിയിച്ചു