ന്യൂഡല്ഹി: നിര്ഭയ കേസിലെ പ്രതി മുകേഷ് സിംഗിന്റെ ദയാഹര്ജി രാഷ്ട്രപതി തള്ളി. ബസ് ഡ്രൈവര് മുകേഷ് കേസിലെ രണ്ടാം പ്രതിയാണ്. ഒന്നാം പ്രതി രാംസിംഗിന്റെ സഹോദരനാണ് മുകേഷ് സിംഗ്.
ദയാഹര്ജി തള്ളണമെന്ന് ആവശ്യപ്പെട്ട് രാഷ്ട്രപതിയ്ക്ക് ആഭ്യന്തര മന്ത്രാലയം റിപ്പോര്ട്ട് സമര്പ്പിച്ചിരുന്നു. കേസിലെ മുകേഷ് അടക്കമുള്ള നാല് പ്രതികള്ക്കും കോടതി വധശിക്ഷ വിധിച്ചിരുന്നു. ഈ മാസം 22ന് വധശിക്ഷ നടപ്പാക്കാനിരിക്കെയാണ് മുകേഷ് ദയാഹരജി സമര്പ്പിച്ചത്. ജയില് ചട്ടങ്ങള് പ്രകാരം ദയാഹര്ജി തള്ളി പതിനാല് ദിവസങ്ങള്ക്ക് ശേഷമാണ് വധശിക്ഷയ്ക്കുള്ള നടപടികള് ആരംഭിക്കേണ്ടത്.
2012 ഡിസംബര് 16നാണ് ഓടിക്കൊണ്ടിരുന്ന ബസില് വച്ച് പെണ്കുട്ടി ക്രൂരമായ പീഡനത്തിനിരയായത്. ലൈംഗിക അതിക്രമത്തിനിരയായി അവശനിലയിലായ പെണ്കുട്ടിയെ അക്രമികള് ബസില് നിന്ന് പുറത്തേക്കെറിയുകയായിരുന്നു. 2012 ഡിസംബര് 29 ന് സിംഗപ്പൂരിലെ മൗണ്ട് എലിസബത്ത് ആശുപത്രിയില് വച്ചാണ് പെണ്കുട്ടി മരിച്ചത്.