ചെന്നൈ: തമിഴ്‌നാട് എഎസ്‌ഐ വധശ്രമക്കേസില്‍ രണ്ട് തമിഴ്‌നാട്ടുകാര്‍ പാലക്കാട് പൊലീസ് കസ്റ്റഡിയില്‍. പിടിയിലായത് സെയ്ദ് ഇബ്രാഹിം, അബ്ബാസ് എന്നിവര്‍.ഇവര്‍ക്ക് എഎസ്‌ഐ വില്‍സണെ വധിച്ചവരുമായി ബന്ധമുണ്ടെന്ന് സംശയം. തമിഴ്‌നാട് ക്യു ബ്രാഞ്ച് രണ്ടുപേരെയും ചോദ്യംചെയ്ത് വരുന്നു.
കഴിഞ്ഞ ദിവസം ഡല്‍ഹിയില്‍ പിടിയിലായ തീവ്രവാദികളുമായി വില്‍സണെ വധിച്ചവര്‍ക്ക് ബന്ധമുണ്ടെന്ന് പോലീസ് കണ്ടെത്തിയിരുന്നു. കന്യാകുമാരി സ്വദേശികളായ അബ്ദുള്‍ സമദ്, സയിദ് നവാസ്, ഖ്വാസ മൊയ്നുദീന്‍ എന്നിവരാണ് തീവ്രവാദബന്ധം ആരോപിച്ച്‌ അറസ്റ്റിലായത്. ഡല്‍ഹി പോലീസ് സ്പെഷല്‍ സെല്‍ ആണ് ഇവരെ അറസ്റ്റ് ചെയ്തത്. അതേസമയം രക്ഷപ്പെട്ട പ്രതികള്‍ക്കായി പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചു.
ഏറ്റവും കൂടുതൽ വാട്സ്ആപ്പ് വാർത്തകൾ വായിക്കപ്പെടുന്ന ഗ്രൂപ്പിൽ നിങ്ങൾക്കും ചേരാം. താഴെ കാണുന്ന ലിങ്കിൽ ക്ലിക്ക് ചെയ്യുക:
https://chat.whatsapp.com/BJc0Xq2qnfqItFdCgqj2tx
