കുറ്റ്യാടി: അനാഥയായ 10 വയസ്സുകാരിയെ പീഡിപ്പിച്ച അച്ഛനും മകനും അറസ്റ്റില്‍. ബാലികയെ കൗണ്‍സലിങ്ങിന് വിധേയമാക്കിയപ്പോഴാണ് ഇക്കഴിഞ്ഞ ഒാണക്കാലംവരെ പീഡനത്തിന് ഇരയായ ഞെട്ടിക്കുന്ന വിവരം വെളിപ്പെടുത്തിയത്. നരിപ്പറ്റ പഞ്ചായത്തിലെ ഉള്ളയൂറ ലക്ഷംവീട് കോളനിയിലെ സന്തോഷ് (48), മകന്‍ അരുണ്‍ലാല്‍ എന്ന അപ്പു (22) എന്നിവരെയാണ് അറസ്റ്റ് ചെയ്തത്.
ചൈല്‍ഡ് ലൈനിന്റെ നിര്‍ദേശപ്രകാരം പോക്സോ ആക്ട് പ്രകാരമാണ് അറസ്റ്റ്. ആളില്ലാത്ത സമയങ്ങളില്‍ കുട്ടിയുടെ വീട്ടില്‍വെച്ചും അടുത്ത കാട്ടിലേക്ക് വലിച്ചിഴച്ച്‌ കൊണ്ടുപോയുമാണ് നിരന്തരം പ്രകൃതിവിരുദ്ധ പീഡനത്തിന് ഇരയാക്കിയതെന്ന് പറയുന്നു. സന്തോഷ് സ്വന്തം വീട്ടില്‍വെച്ചും കുട്ടിയെ പീഡിപ്പിക്കാറുണ്ട്‌. കോഴിക്കോട് സെഷന്‍സ് കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
